Құрамы Қабықпен қапталған бір таблетканың құрамында белсенді заттар: ұнтақ түрінде жалбыз тікен тамыры 8 мг



Дата25.06.2016
өлшемі42.58 Kb.
түріҚұрамы







Қазақстан Республикасы

Денсаулық сақтау министрлігі Медициналық және

фармацевтикалық қызметті

бақылау комитеті Төрағасының

20 _ жылғы “____” ___________

№ _____ бұйрығымен

БЕКІТІЛГЕН




Дәрілік заттың медицинада

қолданылуы жөніндегі

нұсқаулық

Имупрет®



Саудалық атауы

Имупрет®


Халықаралық патенттелмеген атауы

Жоқ
Дәрілік түрі

Қабықпен қапталған таблеткалар
Құрамы

Қабықпен қапталған бір таблетканың құрамында



белсенді заттар:

ұнтақ түрінде

жалбыз тікен тамыры 8 мг

түймедағы гүлі 6 мг

қырықбуын шөбі 10 мг

грек жаңғағының жапырақтары 12 мг

мың жапырақ шөбі 4 мг

емен қабығы 4 мг

дәрілік бақ-бақ шөбі 4 мг

қосымша заттар:

таблетканың ядросы: лактоза моногидраты, жүгері крахмалы, картоп крахмалы, стеарин қышқылы, глюкоза моногидраты, сусыз коллоидты кремнийдің қостотығы

таблетканың қабығы: кальций карбонаты, майсана майы, глюкоза шәрбаты, сахароза, индиготин (Е 132), жүгері крахмалы, декстрин, монтан гликоль балауызы, повидон К 25, повидон К 30, сусыз коллоидты кремнийдің қостотығы, шеллак, тальк, титанның қостотығы (Е 171).
Сипаттамасы

Қабықпен қапталған, дөңгелек, тегіс беткейлі екі жағы дөңес ашық- көгілдір түсті таблеткалар


Фармакотерапиялық тобы

Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02АА20

Фармакологиялық қасиеттері

Фармакокинетикасы

Біріктірілген препарат, сондықтан кинетикалық зерттеулер жүргізу мүмкін болмаған.



Фармакологиялық қасиеттері

Фармакологиялық қасиеттері препараттың құрамына кіретін биологиялық белсенді заттарға негізделген. Имупреттің® қабынуға қарсы, антисептикалық және иммунитет көтермелейтін әсері бар. Құрамына кіретін белсенді заттар: түймедақ, жалбызтікен және қырықбуын макрофагтар мен гранулоциттер белсенділігінің артуы есебінен организм қорғанышының өзіне тән емес факторлары белсенділігінің артуына ықпал етеді. Бұл құрамдастар оттегінің бактерицидті метаболиттерінің қарқынды түрде түзілуі есебінен фагоциттерде микробтардың жойылуына да ықпал етеді. Полисахаридтер, эфир майлары және түймедақ, жалбызтікен және мыңжапырақ флавоноидтары тыныс жолдары шырышты қабығының ісінуін азайтады. Емен қабығы таниндерінің вирустарға қарсы белсенділігі бар.



Қолданылуы

  • жоғарғы тыныс жолдарының жедел және созылмалы ауруларының (тонзиллит, фарингит, ларингит) алдын алуда және емдеуде

  • респираторлы вирустық жұқпаларда асқынулардың алдын алуда және бактериялық жұқпалар кезінде антибиотиктермен емдеуге қосымша ретінде


Қолдану тәсілі және дозалары

Жедел ауруларда

Ересектер 2 таблеткадан күніне 5-6 рет қабылдайды.



Жедел симптомдар қайтқаннан кейін

Ересектер 2 таблеткадан күніне 3 рет қабылдайды.

Жедел симптомдар қайтқаннан кейін емдеуді кем дегенде бір апта жалғастырған жөн.

Таблеткаларды шайнамай, аздаған мөлшердегі сумен іше отырып, тұтастай жұтады.


Жағымсыз әсерлері

болуы мүмкін:



  • асқазан-ішек жолының бұзылулары

  • препарат компоненттеріне тері бөртпесі, қышыну, есекжем түрінде болатын аллергиялық реакциялар

Аллергиялық реакциялардың алғашқы белгілері байқалғанда Имупрет® препаратын қабылдауды тоқтату керек.
Қолдануға болмайтын жағдайлар

  • препарат компоненттеріне жекелей жоғары сезімталдық

  • күрделігүлді тұқымдастарға белгілі аллергия

  • 18 жасқа дейінгі балалар


Дәрілермен өзара әрекеттесуі

Бактерияға қарсы дәрілік заттармен біріктіруге болады және біріктірген дұрыс. Басқа дәрілік заттармен өзара әрекеттесуі белгісіз.


Айрықша нұсқаулар

Имупрет® құрамында глюкоза, сахароза және лактоза бар. Тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза көтере алмаушылығы немесе сахароза-изомальтаза жеткіліксіздігі бар емделушілер препаратты қолданбауы тиіс.

Егер симптомдар препарат қабылдаудан 1 аптадан кейін қайтпаса, дәрігермен кеңесіңіз.

Қант диабеті бар науқастарда қолдану


1 таблетка 0,02 нан бірлігіне (НБ) баламалы.

Жүктілік және лактация кезеңі

Жүктілік және бала емізу кезінде препаратты тек дәрігердің тағайындауымен ғана қабылдаған жөн.



Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлікті басқару және қауіптілігі зор механизмдермен жұмыс жасау қабілетіне әсер етпейді.


Артық дозалануы

Артық дозалану жағдайлары белгісіз


Шығарылу түрі және қаптамасы

ПВХ/ПВДХ үлбірден және алюминий фольгадан жасалған пішінді ұяшықты қаптамада, қабықпен қапталған 25 таблеткадан.

2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары

Құрғақ, жарықтан қорғалған жерде, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл


Жарамдылық мерзімі өткеннен кейін қолдануға болмайды.
Дәріханалардан босатылу шарттары

Рецептісіз


Өндіруші

Бионорика СЕ, D-92308 Ноймаркт/Германия


Тіркеу куәлігінің иесі

Бионорика СЕ, D-92308 Ноймаркт/Германия


Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Bionorica SЕ /Бионорика СЕ/» өкілдігі



Алматы қ., «Главпочтамт», а/ж № 200, тел: 250-93-99

e-mail: info@bionorica.kz


Достарыңызбен бөлісу:




©www.dereksiz.org 2020
әкімшілігінің қараңыз

    Басты бет